विद्येचे प्रांगण

नू. म. वि. मुलींच्या प्रशालेत विज्ञान प्रकल्पांचे प्रदर्शन
पुणे, ता. ४ : शिक्षण प्रसारक मंडळीच्या नू. म. वि. मुलींच्या प्रशालेत विज्ञान दिन साजरा करण्यात आला. सर सी. व्ही. रामन यांच्या प्रतिमेचे पूजन मुख्याध्यापिका संगीता कांबळे, उपमुख्याध्यापिका उल्का पाटणे व पर्यवेक्षिका वर्षा गुमास्ते यांच्या हस्ते करण्यात आले. आठवीच्या वर्गातील वेदिका काळे व भावना बोरा या विद्यार्थिनींनी विज्ञान दिन व सर सी. व्ही. रामन यांच्याविषयी माहिती सांगितली. प्रशालेतील विज्ञानविषयक विविध उपक्रमांची माहिती विद्यार्थिनी सिद्धी गायकवाड व त्रिवेणी जगताप यांनी दिली. या कार्यक्रमाअंतर्गत विद्यार्थिनींनी बनविलेल्या विज्ञान प्रकल्पांचे प्रदर्शन भरविण्यात आले. यासाठी विज्ञान शिक्षिका मीनाक्षी शिंगाडे, अबोली घोगले, मोनिका वालिया यांनी सहकार्य केले. सूत्रसंचालन व अहवालवाचन नीता रायरीकर यांनी केले. अंजली जोशी यांनी आभार मानले.