पुणे, ता. २६ : पुरंदर येथील प्रस्तावित आंतरराष्ट्रीय विमानतळाच्या भूसंपादनासाठी संमतीपत्रे स्वीकारण्याच्या दुसऱ्यादिवशी १६० शेतकऱ्यांनी १९१ एकर क्षेत्रासाठी जिल्हा प्रशासनाकडे संमतिपत्रे सुपूर्त केली. त्यामुळे प्रशासनाकडे दोन दिवसांत ९२० शेतकऱ्यांनी एक हजार २६१ क्षेत्रासाठी संमती दिली आहे.
विमानतळासाठी पुरंदर तालुक्यातील वनपुरी, उदाचीवाडी, कुंभारवळण, एखतपूर, पारगाव, मुंजवडी, खानवडी या सात गावांमधील जमिनीचे संपादन करण्यात येणार आहे. पुरंदर विमानतळासाठी एक हजार २८५ हेक्टर म्हणजेच सुमारे तीन हजार एकर जमिनीचे संपादन करणार आहे. संपादनासाठी शेतकऱ्यांकडून संमतीपत्रे स्वीकारण्यास सोमवारपासून सुरूवात झाली आहे. आता जमीन देण्यासाठी शेतकरी स्वत:हून पुढे येत आहेत.