पुणे, ता. २८ : खराडी भागातील एका गोदामात गुरुवारी पहाटे आग लागली. आगीत चारचाकी गाड्यांचे साहित्य, यंत्र, प्लॅस्टिक कागद असा माल जळाला असून, सुदैवाने कोणीही जखमी झाले नाही. नगर रस्त्यावरील खराडी भागात महालक्ष्मी लॉनसमोरील मोकळ्या जागेत पत्र्याचे शेड आहे. या शेडमध्ये चारचाकी वाहनांचे साहित्य, यंत्रसामग्री, प्लॅस्टिक कागद ठेवलेले होते. गोदामातून धूर येत असल्याची माहिती नागरिकांनी अग्निशामक दलाला दिली. अग्निशामक दलाचे तीन बंब घटनास्थळी रवाना झाले. गोदामातील प्लॅस्टिक, कागद व पुष्ठे पेटल्याने आग भडकली. जवानांनी पाण्याचा मारा करून आग आटोक्यात आणली. गोदामात कोणी अडकले नसल्याची खात्री जवानांनी केली. या घटनेचे कारण समजू शकले नाही, अशी माहिती अग्निशामक दलाच्या मुख्य नियंत्रण कक्षाकडून देण्यात आली.