पुणे : मानवी आरोग्यास हानिकारक असणाऱ्या साउंडच्या भिंती, लेझर लाइट आणि ध्वनिप्रदूषणास कारणीभूत ठरणाऱ्या घटकांवर तेलंगण, मध्य प्रदेशसारख्या राज्यांनी बंदी घातली आहे.

त्याप्रमाणे राज्यातही सोलापूरमध्ये साउंडच्या भिंतीवर बंदी घालण्याचा निर्णय तेथील जिल्हाधिकाऱ्यांनी घेतला आहे. याच धर्तीवर पुणे शहर, जिल्हा व राज्यात बंदी घालावी, अशी मागणी राष्ट्रवादी काँग्रेस शरदचंद्र पवार पक्षाचे प्रदेश सरचिटणीस व प्रवक्ते सुनील माने यांनी मुख्यमंत्री देवेंद्र फडणवीस, उपमुख्यमंत्री अजित पवार, जिल्हाधिकारी जितेंद्र डुडी, पोलिस आयुक्त अमितेश कुमार यांच्याकडे केली आहे.

याबाबतचे निवेदन त्यांनी ई-मेलद्वारे पाठवले आहे. निवेदनात म्हटले आहे, की साउंडच्या भिंतींचा कर्णकर्कश आवाजामुळे अनेकांना त्रास होतो.

अनेकांच्या कानाला इजा होऊन बहुतांश जणांना बहिरेपणा आल्याच्या घटना घडल्या आहेत. साउंडप्रमाणेच लेझर लाइटचे अनेक दुष्परिणाम आहेत.

त्यामुळे साउंड आणि लेझरवर बंदी घालावी. या विरोधात मुंबई उच्च न्यायालयात जनहित याचिकाही दाखल केली आहे, असे माने यांनी नमूद केले आहे.