पुणे, ता. ९ : ऑल इंडिया श्री शिवाजी मेमोरिअल सोसायटी (एआयएसएसएमएस) इन्स्टिट्यूट ऑफ इन्फॉर्मेशन टेक्नॉलॉजीमध्ये शिक्षक दिन उत्साहात साजरा झाला. यावेळी सोसायटीचे सचिव सुरेश शिंदे, खजिनदार अजय पाटील, सदस्य निखिल खानसे, प्राचार्य डॉ. प्रदीप माने आदी उपस्थित होते.
या कार्यक्रमात शिक्षकांचा सन्मान करण्यात आला. विक्रम देशमुख, प्रज्ञा बोरमाने व गिरीश नवले यांना ‘आदर्श वर्गशिक्षक पुरस्कारा’ने गौरविण्यात आले. डॉ. मीनाक्षी थालोर यांना ‘आदर्श शिक्षक पुरस्कारा’ने सन्मानित करण्यात आले. तसेच डॉ. सारिका जावरे यांना ‘आदर्श विभागप्रमुख’ तर संगणक विभागाला ‘आदर्श विभाग’ म्हणून गौरविण्यात आले.
सोसायटीचे मानद सचिव मालोजीराजे छत्रपती म्हणाले, ‘‘शिक्षणाच्या माध्यमातून विद्यार्थ्यांचे आणि देशाचे भवितव्य घडविण्यात एआयएसएसएम सोसायटीचे शिक्षक देत असलेले योगदान निश्‍चितच प्रशंसनीय आहे.’’ कार्यक्रमाचे नियोजन डॉ. दीपाली मोरे यांनी केले.