पुणे, ता. १० : मृत नागरिकांच्या अंत्यविधीसाठी व परिवारातील सदस्यांच्या प्रवासासाठी पीएमपीएमएल प्रशासनाने गेल्या ३० वर्षांपूर्वी मोफत पुष्पक शववाहिका सुरू केली होती. मात्र गेल्या दोन महिन्यांपासून ती बंद केली आहे. त्यामुळे नागरिकांची गैरसोय होत आहे. ही बाब लक्षात घेऊन पीएमपी प्रशासनाने पुष्पक शववाहिका पुन्हा सुरू करावी, अशी मागणी राष्ट्रवादी काँग्रेस शरदचंद्र पवार पक्षाचे प्रदेश सरचिटणीस रवींद्र माळवदकर यांनी महापालिका आयुक्त नवलकिशोर राम व पीएमपीएमएलचे अध्यक्ष पंकज देवरे यांच्याकडे निवेदनाद्वारे केली आहे.