जगदीशब्द फाउंडेशनतर्फे
सुनील जाधव यांना पुरस्कार
पुणे, ता. ७ : सावित्रीबाई फुले यांच्या जयंतीचे औचित्य साधून जगदीशब्द फाउंडेशनच्या वतीने पुरस्कार वितरण सोहळ्याचे आयोजन करण्यात आले होते. या सोहळ्यात नाशिकचे छायाचित्रकार सुनील जाधव यांना राज्यस्तरीय ‘क्रांतिसूर्य पुरस्कारा’ने सन्मानित करण्यात आले. समाजहितासाठी दिलेल्या योगदानाबद्दल त्यांचा सन्मान झाल्याची माहिती फाउंडेशनचे संस्थापक अध्यक्ष जगदीश ओहोळ यांनी दिली.
.......
रमाई महोत्सवाच्या अध्यक्षपदी
ॲड. प्रमोद आडकर
पुणे, ता. ७ : महामाता रमामाई भीमराव आंबेडकर राष्ट्रीय स्मारक यांच्या वतीने आयोजित करण्यात येत असलेल्या रमाई महोत्सवाच्या अध्यक्षपदी ॲड. प्रमोद आडकर यांची, तर कार्याध्यक्षपदी सचिन ईटकर यांची नियुक्ती करण्यात आली आहे, अशी माहिती महोत्सवाचे मुख्य समन्वयक विठ्ठल गायकवाड यांनी दिली. लोकसहभागातून होत असलेला महोत्सव दरवर्षी २ ते ७ फेब्रुवारी या कालावधीत वाडिया महाविद्यालयासमोरील महामाता रमामाई भीमराव आंबेडकर राष्ट्रीय स्मारक येथे आयोजित केला जातो. महोत्सवाचे यंदाचे बारावे वर्ष आहे. उद्घाटन समारंभासह रामजीबाबा आंबेडकर स्मृती पुरस्कार, रमाईरत्न पुरस्कार, तसेच विविध प्रबोधनात्मक कार्यक्रमांचे महोत्सवात आयोजन केले जाते.
.......