वाढत्या गुन्हेगारीचा परिणाम मुलांच्या विश्वावर जास्त पडतो. परिणामी कुटुंब, शाळा, मित्रपरिवार, समाज, अशी लिंक वाढत जाते. घरी होणारा चुकीचा शाब्दिक वापर, पालकांचे योग्य निरीक्षण नसणे, जेव्हा चुका व्हायला लागतात, तेव्हा कधी कधी सोडून देणे किंवा खूप अतिदखल देणे, जसे अति रागावणे त्यामुळे मुलांना चुकांची तीव्रता कळत नाही. योग्य संभाषण नसणे, घरी योग्य वेळ न देणे. मोबाईलचा अतिवापर त्यामध्ये हिंसा असलेले गेम खेळणे किंवा यु-ट्यूब वर बघणे ही काही कारणे आहेत. मुलांचे कोण मित्र आहेत? कसे आहेत? त्यांचे कुटुंब कसे आहे? कुठे राहतात? ह्याची सगळी माहिती असायला हवी. मुलांना अशा घातक गोष्टी उपलब्ध कशा काय होतात? हे पण बघणे गरजेचे आहे.
- मुक्ता कुलकर्णी, बाल मानसोपचार तज्ज्ञ, श्रीमती काशीबाई नवले हॉस्पिटल