पुणे, ता. १६ : पावसामुळे शहरातील काही प्रमुख रस्त्यांवर पाणी साचले असून, काही ठिकाणी वाहतुकीस अडथळे निर्माण झाले आहेत. त्यामुळे शहरातील मुख्य मार्गांवर वाहतूक संथगतीने सुरू असून, नागरिकांनी फक्त गरज असल्यासच बाहेर पडावे, असे आवाहन शहर वाहतूक शाखेने केले आहे.
शहरात सकाळपासून झालेल्या मुसळधार पावसामुळे काही ठिकाणी रस्त्यांवर पाणी साचले आहे. त्यामुळे सय्यदनगर रेल्वे गेट, काळेपडळ, गोळीबार मैदान, कोरेगाव पार्क, ढोले पाटील चौक, नळ स्टॉप चौक, कर्वे रस्ता, मालधक्का चौक, बंडगार्डन, भूमकर चौक, सिंहगड रस्ता, मुंबादेवी चौक वानवडी परिसरात मोठ्या प्रमाणात वाहतूक कोंडी झाली. नागरिकांनी या मार्गांवरून प्रवास टाळावा, तसेच पर्यायी मार्गांचा वापर करावा, असे आवाहन शहर वाहतूक शाखेकडून करण्यात आले आहे.