पुणे, ता. १७ : रोटरॅक्ट क्लब सिंहगडच्या अध्यक्षपदी कृष्णा मरळ आणि सचिवपदी सृष्टी शिरोरे यांची निवड करण्यात आली. सेवासदन एरंडवणा येथील सभागृहात झालेल्या पदग्रहण कार्यक्रमप्रसंगी प्रमुख पाहुणे म्हणून रोटरी क्लब सिंहगडचे अध्यक्ष अमेय पासलकर, पीएचएफ-डीआरआर द्विजेश नासिककर, माजी अध्यक्ष सौरभ दप्तरदार, रोटरी क्लब सिंहगडच्या माजी अध्यक्ष मृण्मयी पासलकर आदी उपस्थित होते. याप्रसंगी नवनिर्वाचित अध्यक्ष मरळ यांनी आगामी काळात सदस्यांच्या व्यावसायिक कौशल्ये व संघटना याबद्दल विविध प्रकल्प राबविणार असल्याचे सांगितले. अमेय पासलकर यांनी आगामी काळात येणारी आव्हाने स्वीकारण्याची व त्यासाठी विविध कौशल्ये सदस्यांनी आत्मसात करावीत, असे आवाहन केले.