पुणे, ता. १६ : ‘सकाळ माध्यम समूहा’तर्फे चोखंदळ नाट्यरसिकांसाठी तीन दर्जेदार नाटकांची पर्वणी देणाऱ्या नाट्य महोत्सवाचे आयोजन करण्यात आले आहे. येत्या गुरुवार (ता. १८) ते शनिवार (ता. २०) या तीन दिवसांत जंगली महाराज रस्त्यावरील बालगंधर्व रंगमंदिरात हा महोत्सव रंगणार आहे. या महोत्सवात गुरुवारी रात्री ९.३० वाजता ‘कुटुंब कीर्तन’, शुक्रवारी रात्री ९.३० वाजता ‘शिकायला गेलो एक’ आणि शनिवारी सकाळी १० वाजता ‘असेन मी, नसेन मी’ या नाटकांचे प्रयोग होणार आहेत.
या नाट्य महोत्सवासाठी न्याती ग्रुप आणि इम्पेरिअल लॉन्ड मार्क्स, साची माय होम डेव्हलपर्स हे सहयोगी प्रायोजक आहेत. महोत्सवासाठी सीझन पास आणि प्रत्येक नाटकासाठीचे वैयक्तिक तिकीट उपलब्ध आहे. तिकीट खिडकी व तिकिटालयाच्या संकेतस्थळावर किंवा क्यूआर कोड स्कॅन करून तिकिटे आरक्षित करता येतील

‘असेन मी नसेन मी’च्या वेळेत बदल...
काही अपरिहार्य कारणामुळे ‘सकाळ नाट्य महोत्सवा’त २० सप्टेंबरला होणारा ‘असेन मी नसेन मी’ या नाटकाचा प्रयोग सायंकाळी ५ ऐवजी सकाळी १० वाजता होणार आहे. ज्या प्रेक्षकांनी या नाटकाची तिकिटे ऑनलाइन आणि ऑफलाइन बुक केली असतील, त्यांना त्याच तिकिटांवर १० वाजता प्रत्यक्ष तिकीट देऊन प्रवेश दिला जाईल आणि ज्यांना १० वाजता उपस्थित राहता येणार नाही, त्यांना त्यांचे पैसे ज्या माध्यमातून (ऑनलाइन किंवा ऑफलाइन) बुक केले आहेत, त्याच माध्यमातून परत दिले जातील.
तसदीबद्दल क्षमस्व!!!