पुणे, ता. २९ : महाराष्ट्र, कर्नाटक आणि गुजरात राज्यांमध्ये झालेल्या सततच्या आणि अतिवृष्टीमुळे साखरेच्या विक्री व वाहतुकीवर मोठा परिणाम झाला आहे. वेस्ट इंडियन शुगर मिल्स असोसिएशनने (विस्मा) केंद्र सरकारकडे सप्टेंबर महिन्याचा साखर विक्री कोटा १५ ऑक्टोबरपर्यंत वाढविण्यात यावा, अशी मागणी केली आहे.
‘विस्मा’चे अध्यक्ष बी. बी. ठोंबरे यांनी केंद्रीय अन्न व सार्वजनिक वितरण विभागातील संयुक्त सचिवांना पत्राद्वारे ही विनंती केली. पत्रात नमूद केले आहे की, सततच्या पावसामुळे व्यापाऱ्यांकडून साखरेची उचल आणि वाहतुकीमध्ये अडथळे आले आहेत. परिणामी उसासह इतर पिकांचेही मोठे नुकसान झाले आहे. या पार्श्वभूमीवर साखर उद्योगावर होणारा ताण लक्षात घेता, सप्टेंबर महिन्याचा विक्री कोटा १५ ऑक्टोबर पर्यंत वाढवून द्यावा, अशी मागणी केली आहे.