सकाळ वृत्तसेवा
पुणे, ता. २८ : पुणे परिमंडलातील थकबाकीचा आकडा ८३ कोटी रुपयांच्या घरात असल्यामुळे महावितरणने शनिवारपासून सोमवारपर्यंत (२९ ते ३१ मार्च) सर्व अधिकृत वीज देयक भरणा केंद्रे कार्यालयीन वेळेत सुरू ठेवण्यात निर्णय घेतला आहे.
सर्व वर्गवारीतील थकबाकीदारांकडे ८२ कोटी ९७ लाख रुपयांची थकबाकी आहे. वारंवार आवाहन करूनही देयक भरले नसल्याने वीजपुरवठा खंडित करण्याची कारवाई महावितरणने सुरू केली आहे. गेल्या २७ दिवसांत ही कारवाई झाली आहे. कारवाई टाळण्यासाठी नागरिकांनी तातडीने देयक भरावे. लघुदाब ग्राहक महावितरणच्या www.mahadiscom.in वेबसाइट व मोबाईल अॅपद्वारे घरबसल्या ऑनलाइन भरणा करू शकतात, असे महावितरणकडून कळविण्यात आले आहे.
---
वीजपुरवठा खंडित
विभाग ः ग्राहक
पुणे शहर ः १३,२२२
पिंपरी-चिंचवड ः १०,८२०
ग्रामीण ः ९,२८७
एकूण ः ३३,३२९
---
थकबाकी
पुणे शहर ः ३६ कोटी ८६ लाख
पिंपरी-चिंचवड ः १८ कोटी ६५ लाख
ग्रामीण ः २७ कोटी ४८ लाख
----------------
वीजग्राहकांच्या माहितीसाठी
- तत्पर भरणा सवलत (प्रॉम्ट पेमेंट डिस्काउंट) ः देयकाच्या तारखेपासून सात दिवसांत भरणा केल्यास एक टक्का (तारीख देयकात नमूद असते)
- ऑनलाइन भरणा केल्यास ०.२५ टक्के सवलत ः क्रेडिट कार्ड, डेबिट कार्ड, यूपीआय, भीम, इंटरनेट बँकिंग, मोबाईल वॉलेट, मोबाईल बँकिंगद्वारे भरणा (५०० रुपयांच्या मर्यादेत)
- थकबाकीवरील व्याज ः देय तारखेपासून असलेली थकबाकी ६० ते ९० दिवसांत भरल्यास १२ टक्के, ९० दिवसांनी भरल्यास १५ टक्के
- विलंब शुल्क आकारणी ः १.२५ टक्के
-----------------------