पुणे, ता. २४ ः खरेदीसाठी आलेल्या एका महिलेच्या पिशवीतून चोरट्यांनी २९ हजार रुपयांची रोकड लांबविल्याची घटना गुरुवारी (ता. २३) तुळशीबागेत घडली. याबाबत एका महिलेने विश्रामबाग पोलिस ठाण्यात फिर्याद दिली आहे. तिने दिलेल्या फिर्यादीनुसार, चोरट्यांवर गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार महिला मूळची अहिल्यानगरमधील केडगावमधील रहिवासी आहे. भाऊबीजेच्या दिवशी ती खरेदीसाठी तुळशीबागेत आली होती. गर्दीचा गैरफायदा घेत तिच्या पिशवीतून चोरट्यांनी २९ हजार ३०० रुपयांची रोकड लांबविली. रोकड चोरीला गेल्याचे लक्षात आल्यानंतर महिलेने विश्रामबाग पोलिस ठाण्यात धाव घेऊन तक्रार दिली.