पुणे, ता. २९ : ‘‘चांगल्या उत्पादनांची निवड करून योग्य मेकअप केल्यास, त्याचा आपल्या व्यक्तिमत्वावर चांगला प्रभाव पडतो,’’ असे मत सौंदर्य तज्ज्ञ भाग्यश्री खिरीड यांनी व्यक्त केले.
‘तनिष्का व्यासपीठा’च्या वतीने बाणेर येथे ‘सुंदर मी होणार’ या कार्यशाळेचे आयोजन करण्यात आले होते. तनिष्का गटप्रमुख ज्योती बालवडकर, ला क्लासे बुटीकच्या संचालिका प्रिन्सिका बराटे, सानिका भालेकर, साडी ड्रेपीस्ट रंजनी एनएस, वैशाली तापकीर, स्वाती बालवडकर, पूजा चांदेरे आदी उपस्थित होत्या.
या वेळी महिलांना सेल्फ मेकअप, स्टायलिंग, साडी ड्रेपिंगचे प्रशिक्षण देण्यात आले. खिरीड यांनी मेकअपचे प्रात्यक्षिक दाखवत, त्वचेच्या रंगानुसार योग्य उत्पादन कसे निवडावे? याची माहिती दिली. रंजनी एनएस यांनी आकर्षक साडी ड्रेपिंग करताना वापरायच्या सोप्या क्लुप्त्या सांगितल्या. भालेकर यांनी व्यक्तिमत्त्व अधिक कसे खुलवावे, याबाबत टिप्स दिल्या.