पुणे, ता. १० ः इंडिजिनस ब्रेन्स संस्थेतर्फे ‘शब्दरचना २०२५’ या आंतरशालेय स्पर्धेचे आयोजन करण्यात आले होते. प्राथमिक आणि अंतिम अशा दोन फेऱ्यांमध्ये झालेल्या स्पर्धेत अडीच हजारांहून अधिक विद्यार्थी सहभागी झाले होते. स्पर्धेच्या सांघिक गटात ज्ञान प्रबोधिनी शाळेने विजेतेपद पटकावले; तर नवीन मराठी इंग्रजी माध्यमाच्या शाळेने उपविजेतेपद पटकावले.
वि‌द्यार्थी एकेरी गटात ज्ञान प्रबोधिनी शाळेच्या कौशिक कानडे याने प्रथम क्रमांक आणि ज्ञान प्रबोधिनी शाळेच्याच अथर्व जुवेकर याने द्वितीय क्रमांक पटकावला. खुल्या गटात निकिता कवठेकर यांनी विजेतेपद आणि पार्थ मापारी यांनी उपविजेतेपद मिळवले. परीक्षक सुचित्रा रानडे, सुप्रिया कुलकर्णी-खोत, मीनाक्षी मराठे, पल्लवी अकोलकर, आरती मोने, अदिती साठे, सायली वझे-पानसे यांनी काम पाहिले. जादूगार जितेंद्र रघुवीर यांच्या हस्ते पारितोषिक वितरण झाले. स्पर्धेची संकल्पना आणि संयोजन इंडिजिनस ब्रेन्सचे संस्थापक अभिजित केतकर आणि सुप्रिया केतकर यांचे होते.