पुणे, ता. १० : महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२६ मध्ये होणाऱ्या दहावीच्या परीक्षेसाठी विलंब शुल्कासह अर्ज करण्यासाठी १७ नोव्हेंबरपर्यंत मुदतवाढ देण्यात आली आहे. राज्य मंडळामार्फत होणारी दहावीची परीक्षा देऊ इच्छिणाऱ्या नियमित विद्यार्थ्यांचे अर्ज युडायस प्लसमधील पेन-आयडीवरून ऑनलाइन पद्धतीने त्यांच्या शाळा प्रमुखांमार्फत भरण्यात येतील. पुर्नपरीक्षार्थी, नावनोंदणी प्रमाणपत्र प्राप्त झालेले खासगी विद्यार्थी, श्रेणीसुधार योजनेअंतर्गत व तुरळक विषय, आयटीआयचे विषय घेऊन परीक्षा देणाऱ्या विद्यार्थ्यांचे अर्ज ‘www.mahahsscboard.in’ या संकेतस्थळावरून ऑनलाइन पद्धतीने भरता येणार आहेत.
विद्यार्थ्यांचे अर्ज ११ ते १७ नोव्हेंबर दरम्यान विलंब शुल्काने भरता येणार आहेत. माध्यमिक शाळांनी विद्यार्थ्यांच्या याद्या, प्रिलिस्ट विभागीय मंडळाकडे १९ नोव्हेंबरपर्यंत जमा करायचे आहेत, असे राज्य मंडळाने स्पष्ट केले आहे.