पुणे, ता. १४ ः ‘ईमामी लिमिटेड’तर्फे देशातील अग्रगण्य आयुर्वेदिक हेअरकेअर ब्रॅण्ड ‘केश किंग’चे रिब्रांडिंग करत ‘केश किंग गोल्ड’ करण्यात आले आहे. तसेच यासाठी शिल्पा शेट्टी यांची ब्रँड अ‍ॅम्बेसेडर म्हणून निवड करण्यात आली आहे.
आयुर्वेद आणि आधुनिक वैज्ञानिक घटकांच्या संयोगातून तयार झालेली ही नवी प्रीमिअम श्रेणी ग्राहकांसाठी अधिक प्रभावी, आधुनिक आणि वैज्ञानिकदृष्ट्या प्रमाणित उपाय देणार आहे. २१ आयुर्वेदिक औषधी वनस्पतींसह ‘ग्रो-बायोटिन’, ‘प्लांट ओमेगा ३-६-९’ यांसारख्या प्रगत घटकांच्या मिश्रणातून तयार झालेले ‘केश किंग गोल्ड’ केसांचे गळणे कमी करण्यात आणि नवीन केस वाढीस मदत करण्यात उपयुक्त आहे. याच श्रेणीत ‘अॅडव्हान्स्ड हेअर ग्रोथ सिरम’ही सादर केले असून, रेडेन्सिल, ‘आनागेन’, ‘कोपेक्सिल’ आणि ‘प्रो कॅपिल’ सारख्या घटकांमुळे केसांच्या वाढीत मदत होत असल्याचा दावा ‘ईमामी’ने केला आहे. ‘ईमामी लिमिटेड’च्या कार्यकारी संचालिका प्रीती ए. सुरेका यांनी, ‘केश किंग गोल्ड’ हे समग्र हेअरकेअरचे नवे गोल्ड स्टँडर्ड ठरेल, असे सांगितले.
---------