पुणे, ता. १७ : राष्ट्रीय परीक्षा एजन्सीमार्फत घेतलेल्या जेईई मेन परीक्षेत बाकलीवाल ट्युटोरियलच्या अनुज पगार, कुशल थरानी आणि अपूर्व बंदिछोडे या विद्यार्थ्यांनी उत्कृष्ट कामगिरी केली आहे. नवी मुंबईतील कुशल याने ९९.९९६८२६, सोलापूरच्या अपूर्व याने ९९.९८६५०७८, तर अनुज याने ९९.९८६४५९४ एनटीए स्कोअर मिळविला आहे.
बाकलीवाल ट्युटोरियलच्या २० पेक्षा जास्त विद्यार्थ्यांनी ९९.९ त्याहून अधिक स्कोअर मिळविला आहे, तर १७५ हून अधिक विद्यार्थ्यांचा ९९ पेक्षा अधिक स्कोअर झाला आहे. कुशल म्हणाला, ‘‘जेईई मेनच्या पहिल्या सत्रातील निकालाबाबत मी आनंदी आहे, परंतु दुसऱ्या सत्रात आणखी चांगले गुण मिळविण्याचे लक्ष्य आहे. शिक्षकांनी प्रेरणा दिली आणि उत्तम स्कोअर मिळविण्यासाठी दररोज एक मॉक पेपर सराव करण्यास सुचवले.’’ अनुज म्हणाला, ‘‘शिक्षकांचा पाठिंबा आणि पालकांच्या सततच्या प्रोत्साहनामुळेच हे शक्य झाले. मॉक टेस्ट, वेळेवर शंका दूर करणे, मार्गदर्शनपर प्रशिक्षण यामुळे जेईई मेनच्या पहिल्या सत्रात चांगले गुण मिळवू शकलो.’’