भानुदास कटके यांना
राज्यस्तरीय पुरस्कार
पुणे, ता. ४ : मराठी भाषा गौरव दिनाचे औचित्य साधत सासवड येथील प्रा. भानुदास कटके यांना अहिल्यानगर येथे आयोजित केलेल्या तिसऱ्या ग्रामीण साहित्य संमेलनात राज्यस्तरीय पुरस्कार देण्यात आला. या वेळी विदर्भातील ज्येष्ठ साहित्यिक केशव देशमुख उपस्थित होते.
.................
पीएमपी प्रवासी मेळाव्याचे
रविवारी आयोजन
पुणे, ता. ४ : सजग नागरिक मंच आणि पीएमपी प्रवासी मंच यांच्या संयुक्त सहभागाने पीएमपी अध्यक्षांशी प्रवाशांचा बससेवेसंबंधी थेट संवाद व्हावा, याउद्देशाने पीएमपी प्रवासी मेळावा आयोजित केला आहे. हा मेळावा येत्या रविवारी (ता. ६) सायंकाळी पाच ते सात यावेळेत बीएमसीसी रस्त्यावरील आयएमडीआर सभागृहात होणार आहे. मेळाव्यात पीएमपीचे व्यवस्थापकीय संचालक दीपा मुधोळ-मुंडे उपस्थित राहणार आहेत, अशी माहिती विवेक वेलणकर व जुगल राठी यांनी दिली.
........
पीएमपी कोथरूड आगारात
वाहक-चालकांचा सत्कार

पुणे, ता. ४ : कोथरूड येथील विविध ज्येष्ठ नागरिकांकडून पीएमपीच्या कोथरूड आगारामध्ये कौतुकास्पद कामगिरी करणाऱ्या सेवकांचा सत्कार करण्यात आला. या वेळी आगारप्रमुख राजेंद्र गाजरे, पुरुषोत्तम मालू, प्रीतम मालू, प्रतीक मालू, आशिष बाहेती, अॅड. आशिष संचेती, हिमेश बाहेती उपस्थित होते. गाजरे म्हणाले की, पीएमपी बसमध्ये प्रवाशांच्या हरविलेल्या वस्तू परत आगारामध्ये देणे, प्रवाशांसोबत व्यवस्थित संवाद साधणे, यामध्ये चालक-वाहकांचे कार्य कौतुकास्पद आहे. चांगले काम करणाऱ्यांची दखल घेऊन त्यांना प्रोत्साहन दिले, तर आणखी चांगले काम त्यांच्याकडून होऊ शकते.
.............