पुणे, ता. २५ : वारंवार आवाहन करूनही थकीत वीजबिल न भरल्यामुळे पुणे परिमंडलामध्ये गेल्या २४ दिवसांत २५ हजार ४३४ थकबाकीदारांचा वीजपुरवठा महावितरणकडून खंडित करण्यात आला. सद्यःस्थितीत सर्व प्रकारच्या वीजग्राहकांकडे अद्यापही ८८ कोटी ४५ लाख रुपयांची थकबाकी आहे. थकीत वीजबिलाचा ताबडतोब भरणा करावा, असे आवाहन ‘महावितरण’कडून करण्यात आले.
पुणे शहरात एकूण घरगुती, व्यावसायिक आणि औद्योगिक वीजग्राहकांकडे ४० कोटी नऊ लाख रुपयांची थकबाकी आहे. गेल्या २४ दिवसांत १० हजार १७७ थकबाकीदारांचा वीजपुरवठा खंडित करण्यात आला, तर पिंपरी-चिंचवड शहरात घरगुती, व्यावसायिक व औद्योगिक वीजग्राहकांकडे १८ कोटी ४० लाख रुपयांची थकबाकी आहे. त्यातील सात हजार ७९६ थकबाकीदारांचा वीजपुरवठा खंडित केला, तसेच ग्रामीण भागातील आंबेगाव, जुन्नर, मावळ, खेड, मुळशी, राजगड, हवेली तालुक्यात घरगुती, व्यावसायिक व औद्योगिक वीजग्राहकांकडे २९ कोटी ९६ लाख रुपयांची थकबाकी आहे. त्यातील सात हजार ४६१ ग्राहकांचा वीजपुरवठा गेल्या २४ दिवसांत खंडित करण्यात आला.
वीजग्राहकांनी थकबाकीचा त्वरित भरणा करावा, असे आवाहन ‘महावितरण’कडून करण्यात आले, तसेच लघुदाब वीजग्राहकांना बिलांचा घरबसल्या भरणा करण्यासाठी www.mahadiscom.in वेबसाइट व मोबाईल ॲपद्वारे ऑनलाइन सोय उपलब्ध करून देण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.