पुणे, ता. २५ ः संस्थाचालक शिक्षण मंडळ, पुणे जिल्हा या संस्थेचे उच्च शिक्षण समन्वयक व संचालक डॉ. प्रसन्न कुमार देशमुख लिखित ‘ई-कॉमर्स अँड एआय’ या पुस्तकाचे प्रकाशन राज्याचे उच्च व तंत्रशिक्षणमंत्री चंद्रकांत पाटील यांच्या हस्ते झाले. शिवाजीनगर येथील मॉडर्न महाविद्यालयाच्या सभागृहात झालेल्या या कार्यक्रमाप्रसंगी सावित्रीबाई फुले पुणे विद्यापीठाचे कुलगुरू डॉ. सुरेश गोसावी, राज्याचे उच्च शिक्षण संचालक डॉ. शैलेंद्र देवळाणकर, प्रोग्रेसिव्ह एज्युकेशन सोसायटीचे कार्याध्यक्ष डॉ. गजानन एकबोटे, मॉडर्न महाविद्यालयाच्या प्राचार्य डॉ. निवेदिता एकबोटे आदी उपस्थित होते. या पुस्तकात कृत्रिम बुद्धिमत्तेमुळे ई-कॉमर्समध्ये जागतिक व भारतीय पातळीवर होणाऱ्या बदलांची संशोधनावर आधारित मांडणी करण्यात आली आहे. डॉ. देशमुख यांची यापूर्वी २४ पुस्तके प्रकाशित झाली आहेत.