पुणे, ता. ९ : गडदुर्ग संवर्धन ट्रस्टच्या वर्धापन दिनानिमित्त आयोजित ऐतिहासिक राष्ट्रगौरव शौर्य पुरस्कार सोहळ्यात समाजातील विविध क्षेत्रांत उल्लेखनीय कार्य करणाऱ्यांना पुरस्कार देऊन सन्मानित करण्यात आले. तसेच गडदुर्ग संवर्धनामध्ये विशेष कार्य केल्याबद्दल शिलेदार वीर कान्होजीराजे जेधे प्रतिष्ठानचा विशेष गौरव करण्यात आला. कार्यक्रमाच्या अध्यक्षस्थानी मुरलीकांत पेटकर हे होते, तर प्रमुख पाहुणे म्हणून राजाभाऊ पासलकर, दीपकराजे शिर्के, कर्नल श्रीकांत पुरोहित, सर्व सरदार घराण्यातील मावळे, ट्रस्टचे विश्वस्त आणि शिवप्रेमी उपस्थित होते. ट्रस्टचे अध्यक्ष कुणाल मालुसरे यांनी प्रास्ताविक केले, तर रवींद्र जगदाळे यांनी आभार मानले.