पुणे, ता. १६ : श्री सोपानदेवांच्या ७२९ व्या संजीवन समाधी सोहळ्यानिमित्त सोपानदेवी ग्रंथाचे सामुदायिक पारायण बुधवार पेठेतील हरभरे राम मंदिर येथे नुकतेच झाले. यामध्ये ५०० हून अधिक भाविकांनी सहभाग घेतला. यावेळी नारायण महाराज गोसावी सासवडकर यांनी सोपानदेवी ग्रंथाचे महत्त्व समजून सांगितले. तसेच वाकलकर गुरुजी, धनंजय काळे महाराज, लक्ष्मीबाई दगडूशेठ हलवाई दत्त मंदिराचे विश्‍वस्त राजेंद्र बलकवडे, जेजुरी देवस्थानचे माजी अध्यक्ष डॉ. प्रसाद खंडागळे, ग्रामदैवत श्री कसबा गणपती मंदिर देवस्थानच्या विश्‍वस्त संगीता ठकार, दुर्गम प्रतिष्ठानचे अध्यक्ष नंदकुमार जाधव आदी यावेळी उपस्थित होते. पारायण केलेल्या भक्तांना सोपानदेवी ग्रंथ भेट देण्यात आला. यापुढे सासवड व जेजुरी येथेही पारायण होणार आहेत.