पुणे, ता. २५ : आगामी महापालिका निवडणुकीच्या पार्श्‍वभूमीवर रिपब्लिकन पार्टी ऑफ इंडिया (आठवले गट) तर्फे शहर कार्यकारिणी जाहीर करण्यात आली आहे.
पक्षाच्या शहर सरचिटणीसपदी महिपाल वाघमारे आणि शाम सदाफुले यांची, तर शहर कार्याध्यक्षपदी वसंत बनसोडे आणि बसवराज गायकवाड यांची निवड झाली. तसेच शहर उपाध्यक्षपदी ४६, संघटकपदी ३९ आणि सचिवपदी १९ जणांची निवड केल्याची माहिती पक्षाचे शहराध्यक्ष संजय सोनावणे यांनी बुधवारी (ता. २५) पत्रकार परिषदेत दिली. पक्षाचे राष्ट्रीय अध्यक्ष आणि केंद्रीय सामाजिक न्याय व सक्षमीकरण मंत्री रामदास आठवले यांच्या मार्गदर्शनखाली या नियुक्त्या केल्याचेही त्यांनी सांगितले. याप्रसंगी पक्षाचे बाळासाहेब जानराव, परशुराम वाडेकर, अशोक कांबळे, अशोक शिरोळे, शैलेंद्र चव्हाण, रोहिदास गायकवाड आदी उपस्थित होते.