पुणे, ता. २५ : स्वारगेट बस स्थानकात पोलिसांनी एका गांजा तस्कराला पाठलाग करून अटक केली. त्यानंतर त्याचे दोन साथीदारदेखील पोलिसांच्या हाती लागले असून, त्यांच्याकडून सहा किलो गांजा, एक मोटार आणि मोबाईल जप्त केला आहे.
नितीन नरसिंह पाल (वय २३, रा. वेळापूर, जि. सोलापूर), अल्ताफ ईलाई तांबोळी (वय २८) आणि विठ्ठल ऊर्फ दादा हरी शिवपाल (वय ३१) अशी अटक केलेल्यांची नावे आहेत. याप्रकरणी स्वारगेट पोलिस ठाण्यात गुन्हा दाखल केला आहे. ही कारवाई पोलिस निरीक्षक संपतराव राऊत, उपनिरीक्षक सूर्यकांत सतपाळे, अंमलदार राहुल होळकर, विक्रम सावंत, नवनाथ शिंदे आणि त्यांच्या पथकाने केली.