मुरकुटे विद्यालयात पालखी सोहळा
पुणे, ता. ४ : विठू नामाच्या जयघोषात ज्ञानेश्‍वर बाळाजी मुरकुटे (पाटील) प्राथमिक विद्यालयात पालखी सोहळा पार पडला. या सोहळ्यासाठी प्रमुख पाहुण्या म्हणून संस्थेच्या संचालिका रंजना मुरकुटे, रेखा जाधव, वीणा मिटकर, सुनंदा धोत्रे, मधुकर माढेकर उपस्थित होते. मुख्याध्यापिका संगीता डेरे व उपस्थितांनी पालखीतील ज्ञानेश्‍वर माउलींच्या मूर्तीचे पूजन करून आरती केली. स्वाती काटे व अमित क्षीरसागर यांच्या मार्गदर्शनाखाली सातवीतील विद्यार्थ्यांनी अभंग, गवळण तसेच टाळ पावलांचे प्रात्यक्षिक सादर केले. कल्याणी सोळंके, आशिष मोरे, नेहा जाधव यांनी आषाढी वारीविषयी माहिती सांगितली. या वेळी पहिली ते पाचवीतील विद्यार्थ्यांनी विठ्ठल-रुक्मिणी, संत ज्ञानेश्‍वर, निवृत्तीनाथ, सोपानदेव, संत एकनाथ, संत तुकाराम, मुक्ताबाई व जनाबाई या संतांची वेशभूषा केली होती. सातवीतील त्रिशा भुवड व प्रियांका झिरपे यांनी सूत्रसंचालन केले.