पुणे, ता. ७ : केंद्र सरकारच्या कामगारविरोधी चार श्रमसंहितांच्या विरोधात, कामगार-शेतकरीविरोधी धोरणांना विरोध करण्यासाठी आणि महाराष्ट्र सरकारच्या जनसुरक्षा विधेयकाविरोधात कामगारांचा देशव्यापी संप होणार आहे. हे आंदोलन बुधवारी (ता. ९) जिल्हाधिकारी कार्यालयासमोर दुपारी दोन ते पाच या वेळात होईल तर पिंपरी-चिंचवडमध्ये सकाळी १० वाजता कामगार मोर्चा काढण्यात येणार आहे.
किमान वेतन, पेन्शन, सामाजिक सुरक्षा, खासगीकरणविरोधी, जुनी पेन्शन योजना, गिग कामगारांचे हक्क, जनसुरक्षा विधेयक मागे घेणे, श्रम परिषद बोलाविणे, शिक्षण व आरोग्याचा निधी वाढविणे आदी मागण्यांचा ठराव यावेळी मांडण्यात येणार आहे. याप्रसंगी देशातील १० केंद्रीय संघटना व विविध क्षेत्रीय महासंघ उपस्थित राहणार आहे. या संपाचे नेतृत्व कामगार कर्मचारी संघटना संयुक्त कृती समिती करणार आहे.