पुणे, ता. १२ : ‘सकाळ माध्यम समूहा’तर्फे महिला वाचकांसाठी आयोजित ‘सकाळ मैत्रीण प्रश्नमंजूषा २०२५’ या खास बक्षीस योजनेला मोठा प्रतिसाद मिळाला आहे, तसेच यानिमित्ताने विविध भागांत सुरू असलेल्या उपक्रमांनाही महिलांचा उत्स्फूर्त प्रतिसाद मिळत आहे.
ही स्पर्धा ७ जुलैपासून सुरू झाली आहे. यात १०० दिवसांच्या कालावधीत ‘सकाळ’च्या अंकात खास महिलांसाठी ‘मैत्रीण’ पुरवणी (रविवार वगळता) प्रसिद्ध होत आहे. यामध्ये आरोग्य, फॅशन, फूड, पर्यटन, करमणूक व करिअर आदी महिलांसंबंधीच्या विषयांबाबत (सोमवार ते शनिवार दररोज एका विषयावर) लेख व सदर प्रसिद्घ होत आहेत. यातील लेखावर आधारित प्रश्नाचे कुपन या सदरात असेल. या सदराला जोडूनच महिलांसाठी आकर्षक बक्षीस योजना राबविली जात आहे. सहभागी महिलांनी या प्रश्नाचे उत्तर लिहून कुपन प्रवेशिकेमध्ये चिकटवायचे आहे. स्पर्धा कालावधीत १०० कुपन्स प्रसिद्ध होतील व त्यापैकी कोणतीही ८० कुपन्स स्पर्धकांनी जमा करावयाची आहेत. कुपन्सची आवश्यक संख्या, प्रश्नांची अचूक उत्तरे व सजावट या आधारे विजेत्यांची निवड केली जाईल. या स्पर्धेतील विजेत्यांसाठी आकर्षक बक्षिसे आहेत. त्यामुळे ‘मैत्रीण’मधून महिलांना ज्ञानासोबत भरघोस बक्षिसेही मिळणार आहेत.

अशी आहेत बक्षिसे...
पहिले बक्षीस- सुझुकी ॲव्हेनीस १२५ सीसी स्कूटर्स- १०
दुसरे बक्षीस- फूड प्रोसेसर- १०
तिसरे बक्षीस- स्मार्ट वॉच- २५
चौथे बक्षीस- मिक्सर ग्राइंडर- २५
पाचवे बक्षीस- इलेक्ट्रिक केटल्स- ५०
तसेच १०० इंडक्शन कुक टॉप्स, १०० हँड ब्लेंडर्स आणि २०० टिफिन बॉक्सचे बक्षीसही आहे. याशिवाय प्रथम ३० हजार प्रवेशिका जमा करणाऱ्या महिलांना खास गिफ्ट व्हाउचर्स किंवा आकर्षक भेटवस्तू यापैकी एक मिळेल.

स्पर्धेचा तपशील
स्पर्धेचा कालावधी- ७ जुलै ते ६ नोव्हेंबर २०२५
१) स्पर्धेदरम्यान ‘सकाळ’मध्ये प्रसिद्ध होणाऱ्या ‘मैत्रीण’ पुरवणीत दररोज (रविवार व्यतिरिक्त) एक कुपन प्रसिद्ध होईल. त्यामध्ये १०० प्रश्न विचारण्यात येतील. या १०० पैकी कोणतीही ८० कुपन्स प्रवेशिकेत चिकटविणे आवश्यक आहे.
२) ही स्पर्धा सर्व वयोगटांच्या महिलांसाठी खुली आहे.
३) प्रवेशिकेवर स्पर्धकाने पूर्ण नाव व इतर तपशील (मोबाईल क्रमांकासह) सुवाच्च अक्षरात लिहावा.
४) प्रवेशिका जमा करण्यासाठी नजीकच्या ‘सकाळ कार्यालया’त बॉक्स ठेवले जातील. या बॉक्समध्ये १५ नोव्हेंबर २०२५ पर्यंत प्रवेशिका जमा करावी.
५) कुपन्स चिकटविण्यासाठी प्रवेशिका १५ जुलै २०२५ रोजी ‘सकाळ’मधून प्रसिद्ध केली जाईल.

घरपोच अंकासाठी संपर्क साधा
‘सकाळ मैत्रीण प्रश्नमंजूषा २०२५’ स्पर्धेत जास्तीत जास्त महिलांनी सहभाग घ्यावा, असे आवाहन संयोजकांतर्फे करण्यात आले आहे. तसेच घरपोच अंक सुरू करण्यासाठी आपल्या नजीकच्या वृत्तपत्र विक्रेत्यांशी किंवा ९८८१५९८८१५ या क्रमांकावर संपर्क साधावा.
...........................