पुणे, ता. १५ : स्वारगेट पीएमपी स्थानकात चोरट्याने एका ७४ वर्षीय महिलेच्या हातातील ४० हजार रुपये किमतीची सोन्याची बांगडी कटरने कापून लांबवली. या प्रकरणी नाशिक जिल्ह्यातील पाथर्डी फाटा भागात राहणाऱ्या महिलेने तक्रार दिली आहे. त्यानुसार स्वारगेट पोलिस ठाण्यात गुन्हा दाखल केला आहे. पोलिसांनी दिलेल्या माहितीनुसार, १२ जुलैला सायंकाळी त्या स्वारगेट पीएमपी स्थानकातून वाकडेवाडीकडे जाण्यासाठी बसमध्ये जात होत्या. त्यावेळी गर्दीचा फायदा घेत चोरट्याने त्यांच्या हातातील सोन्याची बांगडी कटरच्या साहाय्याने कापून चोरी केली.