पुणे, ता. १८ ः कौटुंबिक भांडणातून चुलत भावाच्या डोक्‍यात सिमेंटचा गट्टू मारून त्याच्या खुनाचा प्रयत्न करण्यात आला. ही घटना बुधवारी (ता. १६) पर्वती दर्शन परिसरात घडली. याप्रकरणी पोलिसांनी एकास अटक केली आहे.
आदेश संजय काळे (वय ४१, रा. पर्वती दर्शन) असे अटक केलेल्या आरोपीचे नाव आहे, तर अमित काळे असे गंभीर जखमी झालेल्या व्यक्तीचे नाव आहे. याप्रकरणी एका महिलेने पर्वती पोलिस ठाण्यात फिर्याद दिली आहे. पोलिसांनी दिलेल्या माहितीनुसार, फिर्यादी महिलेची मुलगी घरातून निघून गेली होती. मुलीला पळून जाण्यास आरोपी आदेश काळेने मदत केल्याचा संशय महिलेला होता. याबाबत अमितने त्याचा चुलतभाऊ आदेश यास जाब विचारला होता. त्यावरून बुधवारी त्यांच्यात वाद झाला. या वादाच्या रागातूनच आदेशने अमितच्या डोक्‍यात सिमेंटचा गट्टू मारला. त्यामध्ये अमित गंभीर जखमी झाला आहे. दरम्यान, खुनाचा प्रयत्न केल्याप्रकरणी पोलिसांनी आदेशला अटक केली आहे.
--------------