पुणे, ता. २२ : आंदेकर परिवारातर्फे बाळू आंदेकर यांच्या ४१व्या स्मृतिदिनानिमित्त रक्तदान शिबिराचे आयोजन करण्यात आले होते. या शिबिरात ८४९ रक्तदात्यांनी रक्तदान केले. रक्तसंकलन ससून ब्लड बँक, अक्षय ब्लड बँक आणि पुणे ब्लड बँक यांनी केले. प्रत्येक रक्तदात्याला भेटवस्तू देऊन गौरविण्यात आले. एकूण रक्तदात्यांमधून चार विजेत्यांचा लकी ड्रॉ काढण्यात आला. या वेळी माजी आमदार रवींद्र धंगेकर, अविनाश बागवे, ॲड. नंदकुमार पाटील, ॲड. शिरीष शिंदे, राजन नायर, कमल व्यवहारे, डॉ. सतीश देसाई, गोपाळ चिंतल आदी उपस्थित होते. कार्यक्रमाचे आयोजन गणेश आंदेकर, अविनाश आंदेकर, अमोल आंदेकर, सोमनाथ काची, राजेश आंदेकर, विशाल कोमकर आदींनी केले. सूत्रसंचालन संजय नाईक व शैलेश आंदेकर यांनी केले.

‘विकसित महाराष्ट्र’वर उद्या कार्यशाळा
पुणे, ता. २२ : शिवाजीनगर येथील प्रोग्रेसिव्ह एज्युकेशन सोसायटी पुणे आणि अखिल भारतीय राष्ट्रीय संवर्ग यांच्या संयुक्त विद्यमाने ‘विकसित महाराष्ट्र २०४७ जाणीव जागृती’ कार्यशाळेचे आयोजन केले आहे. ही कार्यशाळा गुरुवारी (ता. २४) शिवाजीनगर येथील संस्थेच्या सभागृहात सकाळी साडेदहा ते दीड या वेळेत आयोजित केली आहे. कार्यशाळेचे उद्‍घाटन उच्च व तंत्रशिक्षण मंत्री चंद्रकांत पाटील यांच्या हस्ते होणार आहे. तसेच अध्यक्षस्थानी राष्ट्रीय शैक्षणिक महासंघ अध्यक्ष प्रदीप खेडकर असतील. या वेळी सोसायटीचे कार्याध्यक्ष प्रा. डॉ. गजानन एकबोटे उपस्थिती असणार आहे.