पुणे, ता. २५ : ब्ल्यू बर्ड्स पुणे चॅप्टरच्या वर्धापन दिनानिमित्त ‘ब्ल्यू बर्ड्स ऑर्गनायझेशन’ आणि ‘संयुक्त बुद्ध विहार कृती समिती, हडपसर’ यांच्यातर्फे रविवारी (ता. २७) बुद्धिस्ट व्यवसाय आणि व्यावसायिक परिचय मेळावा आयोजित करण्यात आला आहे. सकाळी ११ ते दुपारी ४ या वेळेत हडपसर येथील नोबल एचएमए भवन, दुसरा मजला, रोहन प्लाझा, डीपी रस्ता येथे हा कार्यक्रम होणार आहे.
या मेळाव्यात विविध क्षेत्रांतील उद्योजक आणि तज्ज्ञ मार्गदर्शन करणार आहेत. यामध्ये ग्रीन सोल्यूशन इंडस्ट्रीज प्रायव्हेट लिमिटेडचे सागर अहिवळे, पिनाकल इंजिनिअरिंग सोल्यूशन्स इंडियाचे प्रफुल्लचंद्र ओव्हाळ, सनदी लेखापाल प्रतीक जानराव, तसेच राष्ट्रीय लघुउद्योग अंतर्गत एससी-एसटी हबचे पुणे विभाग प्रमुख रितेश रंगारी आणि ब्ल्यू बर्ड्स ऑर्गनायझेशन इंडियाचे राष्ट्रीय अध्यक्ष रणजित फुले यांचा त्यात समावेश आहे. हा कार्यक्रम सर्वांसाठी खुला असून, त्यात जास्तीत जास्त नागरिकांनी सहभागी व्हावे, असे आवाहन ब्ल्यू बर्ड्स ऑर्गनायझेशनच्या पुणे जिल्हाध्यक्ष अॅड. त्रिरत्ना बागूल यांनी केले आहे.