पुणे, ता. २५ : पुणे महानगर परिवहन महामंडळ लिमिटेड(पीएमपीएमएल)तर्फे वाघोली ते हिंजवडी माण फेज-३ या बसमार्गाचे (क्र. ३२८) उद्‍घाटन आमदार बापू पठारे यांच्या हस्ते नुकतेच झाले. या मार्गावर एकूण ४ स्मार्ट एसी इको फ्रेंडली ई-बस एक तासाच्या अंतराने धावणार आहेत. बसमार्ग क्रमांक ३२८ चे थांबे हे वाघोली, डायमंड वॉटर पार्क चौक, लोहगाव, धानोरीगाव, विश्रांतवाडी, दिघी, भोसरी, शिवार चौक, मानकर चौक, इन्फोसिस फेज १ व २, हिंजवडी माण फेज-३ असे असतील.
उद्‍घाटनप्रसंगी संदीप सातव, शांताराम कटके, पंढरीनाथ कटके, ‘पीएमपी’चे सहव्यवस्थापकीय संचालक नितीन नार्वेकर, मुख्य कार्यकारी अधिकारी आशा राऊत, वाहतूक व्यवस्थापक सतीश गव्हाणे, वाहतूक नियोजन व संचलन अधिकारी नारायण करडे, प्रभारी कामगार व जनता संपर्क अधिकारी किशोर चौहान, वाघोली आगार व्यवस्थापक विजयकुमार मदगे आदी उपस्थित होते.
---------------------