पुणे, ता. २७ : भारतीय लष्कराच्या शौर्याचा सन्मान करत कारगिल विजय दिनानिमित्त शासकीय पुनर्नियुक्त माजी सैनिक संघटनेचा वार्षिक विशेषांक ‘कर्मयोद्धे’चे प्रकाशन उपमुख्यमंत्री अजित पवार, मंत्री दत्तात्रेय भरणे आणि संघटनेचे पुणे विभागीय उपाध्यक्ष प्रकाश भिलारे यांच्या हस्ते करण्यात आले.
राष्ट्रीय युद्ध स्मारकात हुतात्म्यांना श्रद्धांजली अर्पण करण्यात आली. लेफ्टनंट जनरल धीरज सेठ आणि सैनिक कल्याण विभागाचे संचालक कर्नल दीपक ठोंगे (निवृत्त) यांना संघटनेची माहिती आणि विशेषांक सुपूर्त करण्यात आला. या प्रसंगी दीपक पाटील, जिल्हा क्रीडा अधिकारी जगन्नाथ लकडे, बाळासाहेब जाधव, दिलावर शादीवान आदी उपस्थित होते. ‘कर्मयोद्धे’ हा विशेषांक माजी सैनिक, त्यांचे कुटुंबीय आणि कर्मचाऱ्यांसाठी माहितीपूर्ण व प्रेरणादायी ठरेल, असा विश्वास भिलारे यांनी व्यक्त केला.