पुणे, ता. २७ ः तरंगिणी सांस्कृतिक प्रतिष्ठानतर्फे नवोदित कलाकारांना प्रोत्साहन देण्यासाठी मासिक संगीत मैफिलींचे आयोजन करण्यात येते. त्याअंतर्गत या महिन्यातील मैफील येत्या मंगळवारी (ता. २९) सायंकाळी साडेचारला कर्वे रस्त्यावरील अश्वमेध सभागृहात आयोजित करण्यात आली आहे.
गुरुपौर्णिमा विशेष या मैफिलीत ज्येष्ठ गायक पं. शौनक अभिषेकी यांचे शिष्य राज शाह, डॉ. शुभम कुलकर्णी, करण देवगांवकर, अभेद अभिषेकी, विश्वजित मेस्त्री आणि सत्यजित बेडेकर यांचे गायन होणार आहे. या कलाकारांना तबल्यावर कौशिक केळकर, गीत इनामदार आणि संवादिनीवर मालू गावकर, उदय कुलकर्णी हे साथसंगत करणार आहेत. यावेळी पं. अभिषेकी यांच्यासह ज्येष्ठ गायक पं. रघुनंदन पणशीकर यांची विशेष उपस्थिती असणार आहे. सकाळ माध्यम समूह हे या कार्यक्रमाचे माध्यम प्रायोजक असून, या मैफलीला विनामूल्य प्रवेश आहे. नवोदित कलाकारांच्या कलेचा आस्वाद घेण्यासाठी आणि त्यांना प्रोत्साहन देण्यासाठी अधिकाधिक रसिकांना या मैफलीला हजर राहावे, असे आवाहन प्रतिष्ठानचे मुख्य विश्वस्त पं. शौनक अभिषेकी यांनी केले आहे.

फोटोः 35000