पुणे, ता. ३१ : निर्जलीकरण व्यवसाय संधींविषयी मार्गदर्शन करणारे प्रशिक्षण थेट निर्जलीकरण उद्योग प्रकल्पात १६ आणि १७ ऑगस्टला आयोजिले आहे. यात निर्जलीकरण म्हणजे काय, या तंत्राचे महत्त्व, उपयोग, व्यवसाय म्हणून तो कसा करावा, निर्जलीकरणासाठीचे प्रमुख घटक, वेगवेगळ्या पद्धती, घटक पदार्थ व त्याचे उपयोग, उत्पादन व बाजारातील किंमत, मशिनरी, फ्लो चार्ट, बाजारपेठ, विपणन पद्धती, शासकीय योजना व अनुदान, प्रकल्पासाठी जागेची निवड, गुंतवणूक, प्रकल्प अहवाल इ.विषयी मार्गदर्शन होईल. फळभाज्या, पालेभाज्या, कंद, पानवर्गीय वनस्पती, आयुर्वेदिक वनस्पती, फळे, दुग्धजन्य पदार्थ, मांस, मच्छी, चिकन या पदार्थांचे थेट प्रात्यक्षिक घेण्यात येईल.
संपर्क : ८४८४८११५४४

इन्फ्लुएंसर, रील स्टार
आजकाल सर्वांनाच इन्स्टाग्रामची क्रेझ आहे. त्यावरचे रिल्स व ते आकर्षकपणे तयार करणारे व त्याद्वारे विविध ब्रॅन्डच्या उत्पादनांचे किंवा व्यवसायांचे प्रभावी मार्केटिंग करून त्यातून पैसे मिळविणारे इन्फ्लुएंसर याचेही आकर्षण असते. या इन्फ्लुएंसरचे इतके फॉलोअर्स कसे काय तयार होतात, तसे आपलेही होऊ शकतात. याबाबत मार्गदर्शन करणारा इन्स्टाग्राम मास्टरक्लास १० ऑगस्टला आयोजिला आहे. यात इन्स्टाग्राम इन्फ्लुएंसर म्हणजे काय, त्याचे प्रकार, वैयक्तिक ब्रँड कसा तयार करावा, इन्स्टावर कंटेंट अपलोड करण्याची प्रक्रिया, योग्य टॅगिंग कसे करावे, व्यवसाय वाढवणाऱ्या कंटेंट कल्पना कशा वापराव्या, इन्स्टाग्रामवरून पैसे कसे कमवायचे इ. विषयी मार्गदर्शन होईल.
संपर्क : ८४८४८११५४४

महारेरा सक्षमता प्रमाणपत्र प्रशिक्षण
प्रशिक्षण व प्रमाणपत्र नसणाऱ्या रिअल इस्टेट एजंटवर कारवाई करत त्यांची एजंट नोंदणी रद्द करण्याचा आदेश महारेराने दिला आहे. महारेराने आता नवीन एजंट नोंदणी व नूतनीकरण बंद केले आहे. यापुढे एजंटकडे सक्षमता प्रमाणपत्र असेल तरच नवीन नोंदणी करता येईल अथवा मुदत संपलेल्या नोंदणीचे नूतनीकरण करता येईल. ज्या नोंदणीकृत एजंटकडे सक्षमता प्रमाणपत्र नाही, त्यांची रेरा नोंदणी महारेराने रद्द केलेली आहे. नोंदणीकृत रेरा एजंट होण्यासाठी २० तासांचे प्रशिक्षण पूर्ण करून प्रमाणपत्र मिळवणे अत्यावश्यक आहे. ‘एसआयआयएलसी’तर्फे होणाऱ्या प्रशिक्षणाची ऑनलाइन व ऑफलाइन बॅच ४ ऑगस्टपासून सुरु होत आहे.
संपर्क : ८४८४८२२८५५

शासकीय ई-निविदा प्रशिक्षण
विविध शासकीय, निमशासकीय, सार्वजनिक विश्वस्त संस्था, देवस्थाने आता ई-निविदा प्रक्रिया राबवत आहेत. याबाबत प्रात्यक्षिकासह मार्गदर्शन करणारे १० दिवसांचे ऑनलाइन प्रशिक्षण ११ ऑगस्टपासून सुरु होत आहे. यात विविध विभागांतील नोंदणी, न दिसणाऱ्या निविदा कशा शोधायच्या, बीओक्यू भरताना येणाऱ्या अडचणी, कागदपत्रे, डिजिटली सही, ईएमडी व एसडीमध्ये सूट कशी मिळवायची, स्वतःकडे यंत्रे व साहित्य नसतील तर करावयाचे भाडे करार, निविदापूर्व बैठकीला जाण्यापूर्वी करावयाच्या १५ महत्त्वपूर्ण गोष्टी कोणत्या याबाबत तसेच इतर महत्त्वाच्या तांत्रिक गोष्टींबद्दल मार्गदर्शन होणार आहे.
संपर्क : ९३५६९७३४२७