पुणे, ता. ४ ः डॉ. बाबासाहेब आंबेडकरांच्या जयंतीचे औचित्य साधत सिम्बायोसिस येथील डॉ. बाबासाहेब आंबेडकर संग्रहालयात रविवारी (ता. ६) सकाळी साडेनऊ वाजता वारसा दर्शन कार्यक्रम होईल.
सकाळ, इतिहास प्रेमी मंडळ आणि लोकमान्य कल्चरल फाउंडेशन यांच्यातर्फे हा कार्यक्रम होईल. सिम्बायोसिस संस्थेने निर्माण केलेल्या या जागतिक दर्जाच्या संग्रहालयात डॉ. आंबेडकर यांच्या वापरातील अनेक वस्तू , कपडे, टेबल-खुर्ची, भांडी, पुरस्कार व त्यांनी अखेरचा श्वास घेतलेला पलंग नागरिकांना पाहायला मिळेल, तसेच त्यांच्या देदीप्यमान वाटचालीतील महत्त्वाची छायाचित्रे पाहायला मिळतील. कार्यक्रमाचे विशेष आकर्षण म्हणजे कृत्रिम बुद्धिमत्ता (एआय) या आधुनिक तंत्रज्ञानाचा वापर करून डॉ. आंबेडकर स्वतः आपल्याला प्रश्नांची उत्तरे देणार असलेला विलक्षण अनुभव घेता येईल.

हे लक्षात ठेवा
कधी ः रविवार, ६ एप्रिल
वेळ ः सकाळी ९.३० वाजता
स्थळ ः डॉ. बाबासाहेब आंबेडकर म्युझियम ॲण्ड मेमोरिअल,
सिम्बायोसिस कॉलेजशेजारी,
सेनापती बापट रस्ता,
बालभारती जवळ.
शुल्क ः १२ वर्षांपर्यंत २० रुपये
१२ वर्षांपुढे ५० रुपये
संपर्क ः सार्थक काशीद- ७८२२०९२१४७