पुणे, ता. ९ ः डायबेटिक न्यूरोपॅथी’ या आजारावर ‘आयु केअर’मध्ये डॉ. राहुल पांगरे यांनी संशोधित केलेली ‘आयुर्वेदिक टॅबलेट थेरपी’ प्रभावी ठरत आहे. या थेरपीमुळे आतापर्यंत बाराशेहून अधिक रुग्णांची साखरेची पातळी नियंत्रित आणून डायबेटिक न्यूरोपॅथीवर मात करण्यात यश आले आहे, असे पांगारे यांनी सांगितले.
तुम्हाला मधुमेह आहे का? असेल तर, तुमच्या हातापायाला मुंग्या येतात का? पायाला तळव्यांना आग होते का? हातापायांना संवेदना कमी जाणवते का? डोळ्यांनी स्पष्ट दिसण्यात बदल जाणवतो का? विसरभोळेपणा जाणवतो का? पायांना जखम आहे का? जर तुम्हाला या समस्या जाणवत असेल तर तुम्हाला डायबेटिक न्यूरोपॅथी आहे. हा मज्जातंतूच्या नुकसानीचा एक प्रकार आहे. तो मधुमेह असलेल्या व्यक्तींमध्ये होऊ शकतो.
पांगरे म्हणाले, ‘‘या सर्व समस्यांवर मात करण्यासाठी ‘आयु केअर’ने संशोधित केलेली आयुर्वेदिक टॅबलेट थेरपी ही उत्तम प्रकारे काम करते. ती शरीरातील स्वादुपिंडावर कार्य करते आणि शरीरातील नैसर्गिक इन्शुलिन कार्यान्वित करण्यास मदत करते. जठराग्नीचे कार्य जर सुरळीत चालू असेल तर शरीरातील साखरेचे प्रमाण नियंत्रित राहते. त्यामुळे रुग्णाच्या शरीरात नैसर्गिकरीत्या इन्शुलिनची निर्मिती होती. या थेरपीच्या मदतीने जठराग्नी हा शरीरातील साखरेचे रूपांतर नसांची ताकद वाढविण्यासाठी करतो. म्हणून मधुमेही रुग्णांसाठी आयुर्वेदिक टॅबलेट थेरपी ही एक संजीवनी आहे.’’