श्री सारदा मठातर्फे
युवती शिबिर संपन्न
पुणे, ता. ४ ः येथील श्री सारदा मठातर्फे नुकतेच महाविद्यालयांतील विविध शाखांच्या युवतींसाठी विशेष शिबिर आयोजित करण्यात आले होते. युवतींनी ओंकार उच्चारण, उपनिषदातील मंत्र व नारायण सुक्त पठणाद्वारे मनःशांती अनुभवली. मठाच्या सरचिटणीस परमपूज्य अतंद्रप्राणा माताजी यांनी ध्यानवर्ग घेतला, तर श्रीमती श्रद्धा व्यास यांनी स्वामी विवेकानंदांच्या जीवनातील अनेक रोचक प्रसंगांतून त्यांच्यातील अदम्य शक्तीमागील स्रोत उलगडून दाखवला.
मातीजींनी मानवतेच्या चांगुलपणावर विश्वास ठेवून मत्सर व संशयाला बाजूला ठेवत आत्मिक बल कसे वाढवावे, हे सांगितले. युवतींनी गटचर्चेद्वारे सोशल मीडियाची समस्या पार करण्यासाठी वेदांताचा कसा उपयोग होईल याच्या कल्पना मांडल्या. श्रीमती सुमेधाताई चिथडे यांनी आध्यात्मिक अधिष्ठानातून समस्यांवर कशी मात करावी, हे स्वअनुभवातून युवतींना सांगितले. त्यानंतर प्रशासकीय सेवेतील सुवर्ण बागल-जाधव व कॅप्टन पूजा झा या दोन तडफदार युवतींच्या मुलाखतीचा कार्यक्रम झाला.
----