पुणे, ता. ३ ः येरवडा येथील डॉ. बाबासाहेब आंबेडकर हाउसिंग सोसायटी येथील भारतरत्न डॉ. बाबासाहेब आंबेडकर चौक, लुपनगर रोड याठिकाणी आमदार जितेंद्र आव्हाड यांचा जाहीर निषेध करून संविधान गौरव समितीने आंदोलन केले. ज्या ठिकाणी बाबासाहेबांनी महाडचे चवदार तळे या पवित्र ठिकाणी सत्याग्रह केला. त्याचठिकाणी आव्हाड यांनी बाबासाहेबांचा फोटो फाडून बाबासाहेबांचा अपमान केला आहे. या घटनेचा तीव्र निषेध करत आहोत, असे मत या वेळी आंदोलकांनी व भीमभक्तांनी व्यक्त केले. या वेळी सामाजिक कार्यकर्ते मयूर शिंदे, निरंजन कांबळे, विकास सोनवणे, नितीन जाधव, विपुल रोकडे, उमर सय्यद, दत्ता भालशंकर, वैभव पवार यांसह आदी उपस्थित होते.
दरम्यान, वडगावशेरी राष्ट्रवादी काँग्रेसच्यावतीने विश्रांतवाडी येथील मुकुंदराव आंबेडकर चौकात निषेध आंदोलन करण्यात आला. सुरुवातीला बुद्धविहारात डॉ. बाबासाहेब आंबेडकर यांच्या पुतळ्याला पुष्पहार अर्पण करण्यात आला. त्याप्रसंगी माजी नगरसेवक सतीश म्हस्के, राजेंद्र खांदवे, सुशांत माने, कुलदीप शर्मा, अमोल खांदवे, रवी देवकर, शशी टिंगरे आदी उपस्थित होते. या वेळी काही मान्यवरांनी मनोगत व्यक्त केले. या वेळी सतीश म्हस्के म्हणाले की, ज्या राज्यघटनेवर देश चालतो, त्या राज्यघटनेच्या निर्मात्याचा फोटो फाडणे, हे एका आमदाराला शोभण्यासारखे कृत्य नाही. तर राजेंद्र खांदवे म्हणाले की, ही घटना अतिशय खेदजनक व संतापजनक आहे. याचा तीव्र निषेध आहे.

येरवडा ः जितेंद्र आव्हाड यांच्या विरोधात आंदोलन करताना संविधान गौरव समितीचे कार्यकर्ते.
विश्रांतवाडी ः जितेंद्र आव्हाड यांच्या विरोधात आंदोलन करताना राष्ट्रवादी काँग्रेसचे कार्यकर्ते.