वाघोली, ता. ५ : टेम्पोने दुचाकीला दिलेल्या धडकेत दुचाकीवरील तरुणाचा मृत्यू झाला. ही घटना गुरुवारी रात्री साडेआठच्या सुमारास केसनंद-कोलवडी रस्त्यावरील ऑप्टिमा हाईट्स सोसायटीसमोर घडली.
अजय प्रताप सूर्यवंशी (वय ३२, रा. साष्टे, कोलवडी) असे मृताचे नाव आहे. याप्रकरणी टेम्पोचालक गणेश तुकाराम शिंदे (रा. शिक्रापूर) याच्यावर लोणीकंद पोलिस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, सूर्यवंशी हे त्यांच्या दुचाकीने केसनंद येथून कोलवडीच्या दिशेने जात होते. भरघाव टेम्पोने त्यांच्या दुचाकीला धडक दिली. यामध्ये सूर्यवंशी यांचा मृत्यू झाला. किरण अशोक कांबळे (रा.वाडेबोल्हाई) यांनी फिर्याद दिली आहे.