वाघोली, ता. २९ ः घरासाठी जागा मिळावी, यासाठी मागील १५ दिवसांपासून सुरू केलेले अन्नत्याग सत्याग्रह आंदोलन कष्टकरी कामगारांनी बुधवारी दुपारी मागे घेतले. महापालिकेत आयोजित बैठकीत महापालिका आयुक्त नवल किशोर राम व जिल्हाधिकारी जितेंद्र डूडी यांनी घर देण्याचे आश्वासन दिल्याने त्यांनी आंदोलन मागे घेतले.
ज्येष्ठ कामगार नेते डॉ. बाबा आढाव यांच्या हस्ते कामगारांना फळांचा रस देण्यात आला. जोपर्यंत घरे मिळत नाही, तोपर्यंत लढा सुरू ठेवणार असल्याचा निर्धार कामगारांनी व्यक्त केला. याबाबत आयुक्तांनी समिती स्थापन केली असून, समिती पुढील कार्यवाही करणार आहे. या आंदोलनात महिलाही सहभागी झाल्या होत्या. वाघेश्वरनगर येथे हे आंदोलन करण्यात आले. आजच्या आंदोलन समारोपप्रसंगी सामाजिक कार्यकर्ते नितीन पवार, पोलिस निरीक्षक आसाराम शेटे, रामदास दाभाडे, मीना सातव, शिवदास उबाळे,  शांताराम कटके, वसुंधरा उबाळे, अर्चना कटके, ॲड. बस्तू रेगे, तलाठी गोकूळ भगत आदी उपस्थित होते.
----------------------------------------------------------------------