वाघोली, ता. ३० ः कोरेगाव भीमा येथे खासगी बसला आग लागल्याचा प्रकार सायंकाळी सातच्या सुमारास पुणे- अहिल्यानगर महामार्गावर घडला. बसमध्ये १५ ते २० कामगार होते. मात्र, ते सुरक्षितरीत्या बाहेर पडले. ‘पीएमआरडीए’च्या अग्निशमन दलाने आग आटोक्यात आणली.
ही बस रांजणगाव येथून कामगारांना घेऊन पुण्याच्या दिशेने जात होती. कोरेगाव भीमा येथे शॉर्ट सर्किट झाल्याने बसने पेट घेतला. आग लागल्याचे लक्षात येताच कामगार तत्काळ खाली उतरले. त्यानंतर बसने पेट घेतला. त्यात बस जळून खाक झाली. अग्निशमन दलाचे शुभम चौधरी, शुभम बडे, सूरज इंगवले, योगेश पाटील,सिद्धार्थ जाधव, कृष्णा नागरे,  ज्ञानेश्वर जाधव या कर्मचाऱ्यांनी आग आटोक्यात आणली.
----------------------------------------------------------------------
फोटो ः 73946