शारदादेवी प्रशालेचा दहावीचा निकाल शंभर टक्के
वैराग, ता. ९ : महाराष्ट्र राज्य माध्यमिक व उच्च माध्यमिक शिक्षण मंडळ, पुणे यांच्यावतीने मार्च २०२६ मध्ये घेण्यात आलेल्या माध्यमिक शालांत परीक्षेत कै. उद्धवरावजी पाटील क्रीडा व शिक्षण मंडळ संचलित शारदादेवी प्रशालेचा शंभर टक्के निकाल लागला आहे. प्रशालेत श्रुती सचिन पानबुडे हिने ९२.४० टक्के गुण मिळवून प्रथम क्रमांक पटकावला. अनुजा नितीन पानबुडे हिने ९१.२० टक्के गुणांसह द्वितीय, तर भारतीय संग्राम शिखरे (८५.६० टक्के) व शिवेंद्र सयाजीराव निंबाळकर (८५.२० टक्के) यांनी अनुक्रमे तृतीय क्रमांक मिळविला.
--------------
अर्णव माध्यमिक विद्यालयाचा शंभर टक्के निकाल
वैराग, ता. ९ : सासुरे फाटा, वैराग (ता. बार्शी) येथील अर्णव माध्यमिक विद्यालयाचा इयत्ता दहावीचा निकाल शंभर टक्के लागला आहे. विद्यालयातील आयुष अमोल भोसले याने ९३ टक्के गुण मिळवून प्रथम क्रमांक पटकावला. प्रणव महादेव आवारे याने ९१.६० टक्के गुणांसह द्वितीय, तर शिवम कल्याण पाटील याने ८९.६० टक्के गुण मिळवून तृतीय क्रमांक मिळविला.
------
शिवप्रभा माध्यमिक विद्यालयाची शंभर टक्केची परंपरा
वैराग, ता. ९ : नागोबा चौक, रुई येथील शिवप्रभा माध्यमिक विद्यालयाने दहावी परीक्षेत शंभर टक्के निकालाची परंपरा कायम राखली आहे.
विद्यालयातील श्रावणी राहुल मोहिते हिने ९६ टक्के गुण मिळवून प्रथम क्रमांक मिळविला. प्रगती संतोष पावले हिने ९४.४० टक्के गुणांसह द्वितीय क्रमांक पटकावला. तर करण साईनाथ पांडगळे, कार्तिकी किशोर खडके व समीक्षा महादेव शेळके यांनी प्रत्येकी ९०.२० टक्के गुण मिळवून तृतीय क्रमांक मिळविला.