युद्धाच्‍या आड दडलेले
समीकरण समजून घ्‍या

अभिजित जोग; वाईत वसंत व्‍याख्‍यानमाला

वाई, ता. ८ : अमेरिका- इस्राईल आणि इराण यांच्यातील युद्धाच्या पार्श्वभूमीवर जागतिक संघर्षाच्या मागे दडलेले समीकरण समजून घेणे गरजेचे आहे. या संघर्षाचे आपल्या देशावर भविष्यात काय परिणाम होतात. याबाबत नागरिकांनी सजग राहिले पाहिजे, असे मत अभिजित जोग यांनी येथे व्यक्त केले.
लोकमान्‍य टिळक स्मारक संस्था संचलित वसंत व्याख्यानमालेत ‘सध्याची युद्ध परिस्थिती आणि भारत’ या विषयावर श्री. जोग बोलत होते. अध्यक्षस्थानी ॲड. उमेश सणस होते.
जागतिक राजकारण समजून घेणे अत्यंत आवश्यक आहे. वरवर दिसणाऱ्या घटनांवर विश्वास न ठेवता त्यांच्या मागील कारणांचा शोध घेतला पाहिजे, असेही त्‍यांनी सांगितले. आदित्य चौंडे यांनी प्रास्ताविक केले. राजेश भोज यांनी परिचय करून दिला. डॉ. अंजली पतंगे आणि माजी न्यायाधीश प्रतापराव शिंदे हे प्रायोजक होते. सुनील शिंदे यांनी सत्कार केला. स्मिता कान्हेरे यांनी सूत्रसंचालन केले. अमित वाडकर यांनी आभार मानले.
----------------------------------------
छायाचित्र :........WAI26B07860
वाई : अभिजित जोग यांचा सत्कार करताना सुनील शिंदे, त्यावेळी ॲड. उमेश सणस, आदित्य चौंडे आदी.
.......................................................