मार्केट यार्ड, ता. २२ : पुणे कृषी उत्पन्न बाजार समितीच्या तब्बल २० वर्षांनी होणाऱ्या निवडणुकीसाठी २८ एप्रिलला मतदान होत आहे. यासाठी मतदारसंघनिहाय चार मतदान केंद्रे जाहीर करण्यात आली आहेत. एकूण १८ जागांसाठी १७ हजार ८१२ मतदार आहेत. सर्वाधिक सेवा सहकारी संस्था मतदारसंघातून ११, ग्रामपंचायात संघातून ४, व्यापारी/आडते संघातून २ आणि हमाल मापाडी संघातून १ उमेदवार विजयी होणार आहेत. निवडणूक निर्णय अधिकारी प्रकाश जगताप यांनी याबाबत माहिती दिली. दरम्यान व्यापारी/आडते संघात सर्वाधिक चुरस आहे. सर्वाधिक मतदार आहेत. निवडणुकीसाठी दोन पॅनेल झाली आहेत. मात्र व्यापारी गटाच्या पॅनेलने कोणालाही पाठींबा दिलेला नाही. इथे दोन-दोन उमेदवारांनी पॅनेल बनविले आहे.