मार्केट यार्ड, ता. २५ : बाजारात राज्यासह परराज्यांतून फळभाज्यांची आवक मागील आठवड्याच्या तुलनेत काही प्रमाणात घटली होती. सततच्या पावसामुळे शेतमाल काढणीला अडचणी येत आहेत. त्यामुळे अवाक घटल्याने आले, टोमॅटो, फ्लॉवर, शिमला मिरचीच्या भावात ५ ते १० टक्क्यांनी वाढ झाली होती. इतर सर्व प्रकारच्या फळभाज्यांचे भाव मागील आठवड्याच्या तुलनेने स्थिर असल्याची माहिती ज्येष्ठ अडते विलास भुजबळ यांनी दिली.
पुणे कृषी उत्पन्न बाजार समितीमध्ये रविवारी (ता. २५) राज्याच्या विविध भागांसह परराज्यांतून सुमारे ८० ट्रक फळभाज्यांची आवक झाली. परराज्यांतून झालेल्या आवकेमध्ये कर्नाटक, आंध्रप्रदेश, उत्तरप्रदेश येथून हिरवी मिरची सुमारे १४-१५ टेम्पो, कर्नाटक आणि गुजरात येथून कोबी ३ ते ४ टेम्पो, आंध्र प्रदेश आणि तमिळनाडू येथून शेवगा २ ते ३ टेम्पो, इंदूर येथून गजर ३ टेम्पो, कर्नाटक आणि गुजरात येथून घेवडा ३ ते ४ टेम्पो, कर्नाटक येथून १ टेम्पो भुईमूग शेंग, हिमाचल प्रदेश ३ ते ४ टेम्पो मटार, कर्नाटक येथून पावटा १ टेम्पो, आंध्रप्रदेश आणि तमिळनाडू येथून कैरी ३ ते ४ टेम्पो, मध्यप्रदेश येथून लसणाची सुमारे १० ते १२ टेम्पो तर इंदूर, आग्रा, स्थानिक भागातून बटाटा ३० ते ३५ टेम्पो इतकी आवक झाली होती.

स्थानिक भागातून झालेल्या आवकेमध्ये सातारी आले सुमारे ३०० ते ४०० गोणी, भेंडी ५ ते ६ टेम्पो, गवार २ ते ३ टेम्पो, टोमॅटो ४०० ते ४५०० क्रेट, हिरवी मिरची ४ ते ५ टेम्पो, काकडी ५ ते ६ टेम्पो, फ्लॉवर ७-८ टेम्पो, कोबी ३ ते ४ टेम्पो, ढोबळी मिरची ७ ते ८ टेम्पो, गाजर २ ते ३ टेम्पो, भुईमूग शेंग ४० ते ५० गोणी, तांबडा भोपळा १० ते १२ टेम्पो, कांदा सुमारे ५० टेम्पो इतकी आवक झाली होती.

फळभाज्यांचे दहा किलोचे भाव : कांदा : १००-१६०, बटाटा : १५००-२२०, लसूण : ४००-१२००, आले सातारी : ३००-३५०, भेंडी : ३००-४००, गवार : ३००-५००, टोमॅटो : २५०-४५०, दोडका : ४००-६००, हिरवी मिरची : ३००-४००, दुधी भोपळा : १००-२००, चवळी : २५०-३००, काकडी : १५०-२००, कारली : हिरवी ३००-४००, पांढरी : ३००-३५०, पापडी : ४५०-५००, पडवळ : २००-२५०, फ्लॉवर : ३००-३५०, कोबी : ८०- १२०, वांगी : ३००-४५०, डिंगरी : ३००-३५०, नवलकोल : २००-२५०, ढोबळी मिरची : ५५०- ६००, तोंडली : कळी : ३५० - ४००, जाड : १८० -२००, शेवगा : ५००-६००, गाजर : २००-२३०, वालवर : ५००-६००, बीट : १४०-१५०, घेवडा : १०००-१२००, कोहळा : १००- १५०, आर्वी : २००-२५०, घोसावळे : २००-२५०, ढेमसे : २००-२५०, भुईमूग शेंग : ५००-६००, मटार : परराज्य : १०००-१२००, पावटा : ६००-७००, तांबडा भोपळा : १००-१५०, तोतापुरी कैरी : २००-३००, सुरण : १८०-२००, मका कणीस : ५०-१००, नारळ (शेकडा) : १०००- १६००.

पालेभाज्यांच्या भावात वाढ
गुलटेकडी मार्केट यार्डातील घाऊक बाजारात रविवारी (ता. २५) कोथींबीर, मेथीसह सर्व प्रकारच्या पालेभाज्यांच्या भावात १० ते १५ टक्क्यांनी वाढ झाली आहे. बाजारात कोथिंबिरीच्या सुमारे ९० हजार जुडींची आणि मेथीच्या ४० हजार जुडींची आवक झाली होती. सततच्या पावसामुळे पालेभाज्यांची आवक घटली आहे.
पालेभाज्यांचे शेकड्यातील भाव : कोथिंबीर : १५००-२५००, मेथी : १५००-२०००, शेपू : ८००- १२००, कांदापात : १२००-१८००, चाकवत : ६००-८००, करडई : ८००-१०००, पुदिना : ६००-८००, अंबाडी : ४००-७००, मुळे : ८००-१५००, राजगिरा : ६००- ८००, चुका : ५००-१०००, चवळई : ३००-७००, पालक : ८००-१५००.

पावसामुळे फळांची आवक घटली
पावसामुळे सर्व प्रकारच्या फळांची आवक घटली आहे. त्या तुलनेत मागणी कमी असल्याने कलिंगड भावात किलोमागे पाच रुपये, खरबूज तीन रुपयांनी उतरले आहेत. तर, पपईच्या भावात किलोमागे पाच रुपयांनी वाढ झाली आहे. आंब्याचा हंगाम संपल्याने अन्य फळांनाही मागणी वाढू लागली आहे. डाळिंबाचे भावात दहा टक्क्यांनी, तर चिकूचे भाव दहा किलोमागे शंभर रुपयांनी वधारले आहेत. उर्वरित सर्व फळांची आवक-जावक कायम असल्याने दर स्थिर आहेत.
मार्केट यार्ड फळबाजारात रविवारी (ता. २५) फळबाजारात मोसंबी १५ ते २० टन, संत्री ५०० किलो, डाळिंब १८ ते २० टन, पपई १५ ते २० टेम्पो, लिंबांची सुमारे १ हजार ते १ हजार २०० गोणी, कलिंगड ४ ते ५ टेम्पो, खरबूज २ ते ३ टेम्पो, चिक्कू ५०० बॉक्स, पेरू १५० ते २०० क्रेटस् आणि अननसाची ६ ट्रक इतकी आवक झाली होती.

फळांचे भाव पुढीलप्रमाणे - लिंबे (प्रतिगोणी) : ३००-४००, मोसंबी : (३ डझन) : १९०-३८०, (४ डझन) : १००-२००, संत्री : (१० किलो) : ५००-१२००, डाळिंब (प्रतिकिलो) : भगवा : ३०-१४०, आरक्ता : १०-४०, गणेश : १०-३५, कलिंगड : ३-८, खरबूज : ८-१५, पपई : १२-२५, चिक्कू (दहा किलो) : १००-५००, पेरू (२० किलो) : २००-४००, अननस (१ डझन): १००-६००.

दर्जेदार फुलांना चांगला भाव
मार्केट यार्ड: पावसामुळे फुलांची आवक निम्म्याने घटली आहे. बाजारात येणाऱ्या मालामध्ये ८० ते ९० टक्के ओला माल येत आहे. ओल्याच्या तुलनेत दर्जेदार मालाला चांगले दर मिळत असल्याची व्यापारी सागर भोसले यांनी दिली.
फुलांचे प्रतिकिलोचे दर पुढीलप्रमाणे : झेंडू : ३०-१००, गुलछडी : ३०-५०, अ‍ॅष्टर : जुडी २०-४०, सुट्टा ५०-१००, कापरी : ३०-८०, शेवंती : ६०-१२०, (गड्डीचे भाव) गुलाबगड्डी : १५-३०, गुलछडी काडी : ५०-८०, डच गुलाब (२० नग) : ६०-१२०, जर्बेरा : ३०-५०, कार्नेशियन : १५०-२००, शेवंती काडी : १५०-२५०, लिलियम : (१० काड्या) ८००-१०००, ऑर्चिड : ४००-५००, ग्लॅडिओ :(१० काड्या) : ८०-१२०, जिप्सोफिला : १००-२००, मोगरा : ५००-८००.