मार्केट यार्ड, ता. १५ : मासेमारी बंदी तसेच चक्रीवादळामुळे बोटी परतल्याने बाजारात मासळीची घटलेली आवक कायम आहे. परिणामी मासळीचे तेजीतील दर कायम आहे. मागणीच्या तुलनेत आवक जास्त असल्याने चिकन किलोमागे वीस रुपये, गावरान अंडी शेकड्यामागे शंभर रुपये तर इंग्लिश अंडी पन्नास रुपयांनी उतरली आहेत. बाजारात मागणी इतकाच पुरवठा होत असल्याने मटणाचे भाव टिकून आहेत.
गणेश पेठेतील मासळी बाजारात रविवारी (ता. १५) खोल समुद्रातील मासळी पाच ते सात टन, खाडीच्या मासळीची १०० ते २०० किलो आणि नदीच्या मासळीची चार ते पाच टन इतकी आवक झाली. आंध्र प्रदेश येथून रहू, कटला आणि सिलनची सुमारे २५ ते ३० टन इतकी आवक झाली. खोल समुद्रातील मासळी (प्रतिकिलोचे दर) - पापलेट : कापरी : २०००-२८००, मोठे : १८००-२०००, मध्यम : १५००-१८००, लहान : १०००-१४००, भिला : १०००, हलवा : १२००-१४००, सुरमई : १२००-१८००, रावस : लहान १०००-११००, घोळ : ९००-१०००, करली : ५००-६००, ओले बोंबील : ४५०-५००. कोळंबी : लहान : २४०-३६०, मोठी : ४००-७००, जम्बो प्रॉन्स : १५००-१८००, किंग प्रॉन्स : ७००-८००, मांदेली : १५०-२००, चिंबोऱ्या : ६००-८००. खाडीची मासळी : बेळुंजी : १५०, खुबे : १५०. नदीतील मासळी : रहू : स्थानिक : २५०-३००, आंध्र : १५०-१८०, कतला : १५०-२००, मरळ : ३००-५००, शिवडा : २५०-३००, खवली : २५०-३००, आम्ळी : १५०-२००, खेकडे : २५०-५००, चिलापी : ८०-२००, वाम : ६००.
मटण : बोकडाचे ७८०, बोलाईचे ७८०, खिमा ७८०, कलेजी ८२०. चिकन २००, लेगपीस २५०, जिवंत कोंबडी १४०, बोनलेस ३००. अंडी : गावरान (शेकडा) १०२०, डझन १३०, प्रतिनग ११. इंग्लिश (शेकडा) ५८०, डझन ८०, प्रतिनग ७.