पुणे : शहरात उद्या (मंगळवारी) सात ठिकाणी कोव्हॅक्सिन (covaxine) लस उपलब्ध असून, सहा केंद्रांवर प्रत्येकी १ हजार तर एका केंद्रावर ५०० डोस उपलब्ध आहेत. तर कोव्हिशील्ड (covishield) लस संपल्याने या लसीचे केंद्र बंद असणार आहेत. (tommarrow pune covaxine six thousand doses available)

महापालिकेकडे सुमारे १३ हजार कोव्हॅक्सिनचे डोस उपलब्ध होते. पण प्रत्येक केंद्रावर ३०० डोस दिले जात होते. अतिरिक्त आयुक्त रवींद्र बिनवडे यांनी लस वाटपाचे धोरण बदलले असून, महापालिकेकडे असलेली लस साठवून न ठेवता ती वाटप करून टाकावी असे आदेश आरोग्य विभागास दिले आहेत. त्यामुळे गेल्या दोन दिवसांपासून कोव्हॅक्सिन लस मोठ्याप्रमाणात उपलब्ध झाली आहे. सोमवारी ६ हजार ५०० डोस उपलब्ध झाले होते. आता मंगळवारी देखील तेवढीच लस दिली जाणार आहे. नागरिकांकडून कोव्हॅक्सिन लसीला मागणी असली महापालिकेतर्फे उपलब्ध होत नसल्याने खासगी दवाखान्यात जावे लागत होते.

मंगळवारी राजीव गांधी रुग्णालय, जयाबाई सुतार दवाखाना, बिंदू माधव ठाकरे दवाखाना, दशरथ भानगिरे दवाखाना, कमला नेहरू दवाखाना ससून रुग्णालय येथे प्रत्येकी १ हजार डोस उपलब्ध आहेत. तर मालती काची रुग्णालयात ५०० डोस उपलब्ध असणार आहेत. १३ जुलै पूर्वी पहिला डोस घेतलेल्यांना उद्या दुसरा डोस मिळणार आहे.